Að vera dót í geymslu

Hafiði einhvern tíman velt fyrir ykkur hvernig það sé að vera dót í geymslu...? Ef þið væruð sett í geymslu þýddi það að þið hefðuð mist notagildi ykkar eða væruð notuð mjög sjaldan... örugglega ekki gott fyrir sjálfstraustið Þið yrðuð þá sett inn í hillu í geymslunni, líklega í kassa eða poka, innan um fullt af öðru drasli og svo bara lokað. Ljósin væru alltaf slökkt nema þegar einhver kæmi inn til að ná í eitthvað í geymsluna og í hvert sinn sem ljósin væru kveikt vaknaði von hjá ykkur og eftirvænting um hvort það væri verið að ná í ykkur.... Mesta hræðslan væri samt líklega þegar tekið væri til í geymslunni... kannski verður ykkur þá HENT!! Enduðu á ruslahaugunum sem er mun verri staður en geymsla... einnig er svo vert að minna á að músagangur gæti verið í geymslunni og þær gætu nartað á ykkur gat!!! Smá vangaveltur hér á síðustu klukkutímum næturvaktarinnar.... veltið þessu fyrir ykkur.... Sigrún