Afmæli-bjórkvöld...

Sælar elskurnar!!

Ég ætla að byrja á því að óska þér Pálína til hamingju með afmælið í dag!! Vona að þú munir eiga góðan afmælisdag sæta:)

Við fórum nokkrar á útgáfuhófið í gær... alltaf sami kjarninn sem skellir sér á svona samkomur:) Við vorum ekki fleiri en fjórar úr A-bekknum ég, Nína, Elva og Ása og skemmtum okkur svakalega vel... bjórinn beið okkar í Valsheimilinu og mættum við bara snemma til að ná að horfa á Idolið (og auðvitað til að ná fríum bjór). Það var nú engin svaka stemmning yfir Idolinu fyrr en leið á kvöldið og allir voru búnir með nokkra fría bjóra!! Þá myndaðist spenna og allir fóru að tjá sig um hverjum haldið var með o.s.frv. eftir Idolið skelltum við okkur á dansgólfið með honum Steinari úr bóksölunni sem er b.t.w frændi hennar Hörpu okkar og já greinilegt að þetta er mikil dansfjölskylda vááá við áttum ekkert í hann en reyndum eins og við gátum;)
Síðan voru ljósin kveikt og tilkynnt að það væri kominn eðalvagn að ná í okkur til að keyra þennan föngulega hóp niður í bæ og stefnan var tekin á Hressó, það var mikið sungið í gula eðalvagninum á leiðinni eins og kennónemum er einum lagið..já svo var bara drukkið meira, spjallað mikið og dansað á Hressó og var eitthvað misjafnt hvenær fólk kom sér heim:) ég persónulega fór snemma heim á mínum mælikvarða, var komin heim fyrir þrjú aldrei þessu vant en ég er líka að spara mig... því ég er að fara til Köben á föstudaginn vei vei :) !!!!
Jæja skvísur vildi að þið hefðuð verið með í gær, en stefnum á að mæta allar á árshátíðina í staðinn..
Góða helgi fallega fólk og sjáumst á mánudag.
knús og kveðja María.