Fílíngur!!!

Já nú er sko allt að gerast. Leiðarbókarskil eru á morgun og Pálína stupido er búin að krafsa sig fram úr verkefninu.
Sitjum hér tvær, Villa og Pálína í fílíng, einar í Kennaraháskólanum, kl að ganga hálf 12 en það er ekkert fararsnið á okkur, við erum komnar með Robbie Williams á fóninn í tölvunni og farnar að svífa um hljóða lessalinn. Ef það væri alltaf svona gaman í skólanum....?
Við erum alvarlega að íhuga að fara ekkert heim...við getum sofið á bekkjunum frammi og mætt fyrstar í morgunmat í mötuneytið! Nú svo sé ekki talað um það að við losnum við biðröð á klósettið!
Það var útihlaup í Árbænum áðan, við Harpa erum komnar með svaka hugmynd. Skokkklúbbur, a-bekkjarins. Villa segist reyndar ekki hlaupa eða skokka nema að vera elt, en við fundum ráð á því. Hún verður bara alltaf fyrst þá eltum við hana bara. Svo geta þær sem vilja ekki hlaupa labbað hringinn. Það er nauðsynlegt að anda að sér frísku lofti frá bókum og óargadýrum á heimilinu. Í kvöld var grenjandi rigningu en það var bara betra...!
Jæja hittumst hressar á morgun...!
Kv Pálína

Nú líður að gleðinni

Jæja stúlkur, á morgun er dagurinn sem allir hafa beðið eftir. Eftir erfitt heimildarverkefni þar sem sumir lofuðu klámbækur sér til góða og kynningu á okkar hrikalega góðu ritgerðum er lítið eftir en að skella sér í bolta og bjór.

Leikjaplanið er komið og erum við a liðið í a-riðli...! Fyrsti leikurinn er kl 14:12 og við eigum allavega 3 leiki, fyrir utan undanúrslit og úrslitaleikinn.

Það eru víst ýmsir komnir í fótboltaliðið, ég hreinlega er ekki með tölu um liðsmenn þeir eru orðnir svo margir. En nöfnin sem ég hef heyrt er Harpa, Guðbjörg, Ásta, Pálína, Kristín, Steinþór, Ása, stákarnir í bóksölunni og svo framvegis.

Ég vil bara minna fólk á að koma með innanhússkó, lite bolina og góða formið í poka. Þær sem voru í ferðinni eiga að koma með Lite bolina og lána hinum sem eiga ekki.
Jæja nú er hugarkortagúrúinn að kenna manni að búa til lífsnauðsynleg hugarkort...að ég skuli vera lifandi enn í dag án þess að hafa gert hugarkort fyrir sl. 23 ár....????
Kærlig hilsen, har det godt og husk efter ölen i morgen!!!
Pálína í formi!

Ein að prufa

Sælar stelpur! Mig langaði bara að prófa hvort að ég gæti sendt ykkur póst.
Kv. Guðný

Mál og ritþjálfun....

Sælar stúlkur...

Ég er enn að spá hvernig þetta verður með bekkjartímana í næstu viku í mál og rit, hann segir "fyrri hópur mætir í fyrri tímann en seinni hópur í seinni tímann" og ég skil þetta þannig að hann sé að tala um þessa tvo tíma sem er á töflunni á mánudag, en einhverjar voru vissarum að seinni hópurinn ætti að mæta í tíma á miðvikudag.. er einhver með þetta alveg á hreynu???
kveðja María.

Vúhúúú

Það er loksins kominn föstudagur! Skemmtið ykkur vel um helgina, það er bannað að gleyma að gera verkefnið í mál og rit.
Kveðja Elín

Soccer....soccer....!

Já nú er sko allt að gerast....stífar æfingar eru hafnar fyrir fótboltamótið þarnæsta föstudag. A- bekkurinn er með stíft æfingaprógramm fyrir stúlkurnar sínar og munu þær skila stórkostlegum árangri. Við ætlum nátturulega að líta út eins og ofurskutlur sem hafa verið hannaðar í photoshop án nokkurra aukakílóa eða lærpoka...ég tala nú ekki um að appelsínuhúðin hverfur á augabragði. Annars ætlum við nátturulega að sýna öðrum bekkjum hvar "Davíð keypti Lite-ið"! Já eða ölið.
Þangað til næst....
Pálína

Niðurgangspest!

Jæja...það er verið að kvarta yfir bloggleysi á þessum bæ. Þannig að nú skal tekið til hendinni. Það sem er að frétta af vígstöðvum a-bekkjarins er að hörku niðurgangspest herjar á liðsmenn. Baldi Sig er að fara með okkur með verkefnum í Mál og Rit. Ritgerðasmíði er að valda truflunum í görnum, því það er verið að stressa okkur fram úr hófi með tilvísunum, heimildum og rannsóknaspurningum.
Að öðru er það helst að forsíðufyrirsætan er blikkuð á göngum skólans og heldur því fram að hún hafi einhver ítök í stúdentaráði skólans.
Næst á dagskrá er að fara skipuleggja næsta djamm. Hvort sem það verður, kvöldverður á rómantískum stað, keiluferð eða bekkjarpartý er óráðið. Hinsvegar er ljóst að upplýsingafulltrúi A-bekkjarins hún María er búin að tilkynna okkur það að við erum að fara að taka þátt í fótboltamóti fyrir hönd bekkjarins. Þær sem hafa verið tilnefndar í liðið eru: Harpa, Guðbjörg, Ásta og Pálína. Hinsvegar er eitthvað verið að ræða um að reyna að fá Steinþór með okkur í lið...en það eru skiptar skoðanir um það hvort við ættum að fá lánaðann liðsmann eður ei. Fótboltamótið verður nk.föstudag og eru klappstýrurnar komnar í gírinn.
Kv frá höfuðstöðvunum, Pálína

Skólablaðið

Góðan daginn elskurnar:)

Jæja skólablaðið komið út, voða spenna yfir því í skólanum. Við stöllurnar ég, Nína og Elva vorum upp í skóla að læra og kíktum spenntar í skólablaðið því að við vorum búnar að frétta að það ætti að koma bekkjarmynd af 1.a síðan úr Laugarvatnsferðinni frægu... en nei ekki var hún þar:( og við svaka móðgaðar.. ekki einu sinni minnst á okkur, við sem vorum svo sætar, hressar og skemmtilegar í ferðinni ;) En við kættumst voða fljótt þegar við uppgötvuðum að það var mynd af Pálínu vinkonu okkar á FORSÍÐUNNI !!! með formanninum...að vísu bara lítil mynd en það er sama..gaman að þessu og vildi bara deila þessu með ykkur kæru bekkjarsystur!!
Sjáumst hressar og kátar á mánudaginn, og góða helgi.
kv María.

Testing, testing...

Jæja mín varð nú bara að prófa þetta líka ;)
Over and out...
Stína stuð

smá prufa

Halló skvísur..
Er bara að prufa hvort ég kunni þetta...
sjáumst á morgun.
María

Og nú hefst lesturinn...!

Fyrsti A er bekkur grunnskólakennaranema við KHÍ. Hér munum við segja frá afrekum okkar á hinum ýmsu sviðum sem og miðla efni á milli okkar.

Við byrjuðum á því í gær að skrá afrekssögu okkar. Laugarvatnsferð var farin og vorum við ellefu úr bekknum sem sáu um að halda fjörinu uppi fyrir restina af nemendum KHÍ. Við sem fórum í ferðina voru, Harpa, Elva, Nína, María, Sigrún, Kristín, Pálína, Vilborg, Bryndís, Eva og Elín. Þar sem við erum testasteron fríar fengum við einn af drengjum BN til að sjá um þau hormon í ferðinni og var Steinþór því tekinn inn í hópinn sem liðsmaður A liðsins.

Ferðin hófst með því að klæða sig upp í "Lite" bolina en svona A lið er auðvitað sponserað af Vífilfell. Drykkjan hófst strax og hermannaböndin voru sett upp. Það mátti strax sjá að A liðið bar af öðrum nemum skólans fyrir einstaka smekkvísi í vali á outfitti! Sponseruðu bolirnir okkar þóttu svo fagrir að fagurgalar skólans kepptust um að fá að kaupa slíka boli, eftirsóknin í að komast í A-liðið er nátturulega engu lagi lík.

Saman í rútu fóru vinabekkirnir A og F og C bekkurinn fylgdi með. Gítarleikur ómaði við fagran söng A bekkjarins og bakradda frá C og F bekk. Við fengum auðvitað strax boð um að ganga í skólakórinn og erum við með umboðsmann okkar í þeim samningsgerðum. Þvagblöðrur nema í F og C þoldi ekki álagið að innbyrða bjórinn þannig að það var strax pissustopp í Mosó. Og þar sem ein beljan mígur, míga þær allar þannig að við A skvísur skvettum úr skvísunni hinum til samlætis. Næsta pissustopp var á Þingvöllum og þaðan lá leiðin beint á Laugarvatn.

Í íþróttahúsinu biðu okkar edrú íþróttakempur KHÍ og gerðu dauðaleit af áfengi og strípuðu víst nokkra í leit af áfengi, þeir drekka víst ekki í íþróttadeild skólans. Í íþróttahúsinu var farið í leiki þar sem hluti A liðsins ( Pálína, Mæja, Nína, Kristín og Harpa) héldu uppi heiðri bekkjarins. Var samin vísa í einum leiknum sem hljóðaði svo(sungið við lagið "Það var einu sinni kelling"):

Það var einu sinni stelpa,

og harpa sagði Ha?

Mæja pæja segir ha,ha,ha,ha,ha

og stína hún segir muhahahahaha

og hún var svo rosa rosalega sæt.

Þetta þótti víst ekki bera þann blús brag sem vísan átti að bera, en keppnisskapið var bara svo mikið að við gleymdum að hlusta á hvað átti að gera!!

Eftir íþróttahúsið var farið í einn leiðinlegasta ratleik sögunnar, þar sem Harpa sýndi leiðtogahæfileika sína og ratvísi Sigrúnar um Laugarvatn kom sér vel. Allt gekk eins og í sögu þar til Vilborg nánast skrúfaði póstkassa Laugvetninga í sundur til að ná einni vísbendingunni upp úr. Þá var ákveðið að gefa skít í leikinn og ráðast í pulsuát.

Eftir mikið svínainnyflaát var farið í brekkusöng (í minnstu brekku sem bekkurinn hefur séð). A-liðið var mjög ánægt með undirspilið og þóttu gítar(leikar)arnir hljóma mjög vel.

Loks var farið með rútunni í Úthlíð, þar sem sagan frá íþróttahúsinu endurtók sig....við vorum strípaðar í leit af bjór. Hljómsveitin Smack lék fyrir dansiballinu og munum við ekkert eftir því hvort eitthvað hafi verið varið í þá hljómsveit. A bekkurinn þótti standa sig með mestu prýði á dansgólfinu enda limaliprar stúlkur á ferð. Eftir að limirnir hefðu leikið um gólfið í Úthlíð var haldið heim á leið og gætt sér á "Nínu-kremjum", sem eru einar af albestu samlokum sem liðsmenn hafa smakkað. Nína setur uppskriftina seinna inn á netið. Aldrei hafði nokkur rúta verið eins lengi á leið frá Laugarvatni til Reykjavíkur og halda liðsmenn A bekkjarins að brögð hafi verið í tafli til að reyna að láta okkur drekka meiri bjór. Allir A liðsmenn héldu velli í ferðinni og ekki hefur heyrst um nein slys á fólki. Þangað til næst.....bless.