Hvar er sumarið?

Hvar er sumarið ég spyr bara svona sakleysislega? Allir eru að tala um að það sé komið sumar en ég verð nú bara að segja að ég er bara ekkert búin að sjá það. Það er búið að vera ömurlegt veður, reyndar var sól í dag en það var fyrsta skipti í svona 20 daga, annars er búið að vera rok eða rigning og ég verð nú bara að segja ykkur það að það er aðeins farið að fara í mínar fínustu.
En nóg um kvart og kvein. Mér líður eins og ég sé orðinn lítill krakkiaftur að bíða eftir jólunum, því að það eru aðeins 17 dagar þangað til að ég fer sólina á Mallorca ég get ekki beðið ég vakna á hverjum morgni og segi 19 dagar, svo næsta 18 dagar og svo í morgun jess aðeins 17 dagar jibbý jei:O) Ég hlakka svo til að bara liggja í sólinni og gera ekki neitt, fá mér bjór og sangríu á kvöldin og hafa það alveg þvílíkt gott. Það væri nú reyndar alveg týpískt fyrir mig að þegar ég kem út þá allt í einu byrjar að rigningartímabil eða eitthvað þess háttar, yrði bara kalt og rigning allan tímann eða þvílík hitabylgja að maður myndi ekki geta komist út úr húsi.
Vonandi eru þið búnar að hafa það rosalega gott í sumar, ég sakna ykkar alveg ROSALEGA mikið og get ekki beðið eftir að hitta ykkur aftur og ef þið eigið leið norður í sumar þá endilega kíkið á Skagastönd í sjoppuna til mín þar:O)
Kveðja Elva Dröfn