Sælar kæru bekkjarsystur!!!

Jæja þá er ég loksins nettengd á ný. En það sem helst er að frétta af mér er að við fölskyldan erum flutt úr 101 í 112, eitthvað sem ég hélt að við myndum aldrei gera en við erum alveg svakalega ánægð með lífið og tilveruna hérna í Grafarvoginum:) já og annað sem er að frétta af mér er að ég er enn ólétt og er gjörsamlega að springa hehe ;) spurning hvort krílið verði komið í heiminn áður en ég hitti ykkur í skólanum 21. en ég er sett 24. Ég ætla s.s. að prófa að byrja í skólanum.... er svo viss um að ég muni eignast algeran engil sem mun lofa mömmu sinni að fá frið til að læra ;) hehe... en ef ekki þá hætti ég bara og tek þetta seinna.. stefnan er allavega að taka Aðferðafræðina ásamt tveim - þrem öðrum fögum.

En jæja er orðin frekar ryðguð í að blogga en langaði bara aðeins að kasta á ykkur kveðju elskurnar mínar. Mjög fín breyting á síðunni Guðný:) finnst samt frekar leiðinlegt að það séu einhverjir sem eru að koma inn á síðuna með eitthvað skítkast...spurning hver það sé... væri gaman að rekja commentið og finna út hver þetta sé;) en annars látum við þetta ekkert fara í taugarnar á okkur.. við vitum betur, við sem höfum lagt okkur fram um að halda sambandi:) en jæja nóg um það, ég hlakka alveg svakalega til þess að hitta ykkur í skólanum, verst að við létum aldrei verða að því að hittast í sumar.

En svona að lokum eru ekki allir búnir að frétta af nýjustu óléttunni í bekknum??? Allavega er enn ein yndisleg bekkjarsystir ólétt og þó svo að ég sé búin að óska henni til hamingju nokkrum sinnum;) þá langar mig að gera það aftur... til lukku sæta:)

Talandi um börn þá fórum við Elín til Evu að skoða litlu fallegu prinsessuna hana Bregdísi og hún er algert æði... algjört krútt... það var gaman að fá að koma og kíkja á prinsessuna og fallega heimilið þitt Eva. Því miður gat Jónína ekki tekið á móti okkur vegna þess að hún var að skíra og við höfum ekki enn gefið okkur tíma í að fara til hennar:( en vonandi sem fyrst..

Nóg í bili, knús og kossar úr Dofraborgum - María.