Isafjörður....segir:

Sælar stúlkur. Hérna fyrir vestan gengur allt frekar vel. Kom hingað seinnipart á miðvikudag. Setti upp sýninguna á fimmtudagskvöld og skalf eins og lauf í vindi frameftir föstudegi.
Þegar opnunin á sýningunni varð að veruleika...skalf ég enn meira og roðnaði og svitnaði. Um sjötíu manns mætti á opnunina og allt gekk glimrandi. Fólk fékk engan umhugsunarfrest því myndirnar gengu út...eða hlupu út. Fyrst fjórar, svo aðrar fjórar og svo þrjár í viðbót...samtals ellefu farnar og aðeins þrjár eftir sem ég best veit. Þetta var voða gaman en ég er ekkert búin að fatta þetta almennilega ennþá...horfi bara á blómabúðina í stofunni heima sem er ummerki þess að ég var að opna og hlæ bara af þessu öllu saman. Ég fékk böns af blómum og gjöfum og allir vasar fráteknir á heimilinu...þurfti meira að segja að fara með blómvendi á annað heimili líka. Gaman að eiga góða að!
Annars ætla ég að koma og vera í vettvangsnáminu bara með ykkur ég hef nefnilega ekkert heyrt frá þessari Sigríði og veit því ekkert hvað ég á að gera. Þannig að við sjáumst kannski á mánudag eða allavega í vikunni.
Kv frá kjálkanum
Pálína